CONTOH SAJAK SUNDA

Sajak Grandprix 

                                Yasana : Godi Suwarna 

Nincak gas satakerkebek 

Mobil sport ngagerung mamprung 

 Rék ngudag jorélat waktu, da startna kapandeurian

 Ah tangtu kasusud tapakna, ceuk haté anjeun harita 

Jalan lempeng , Jalan nanjak, pungkal péngkol, kénca katuhueun jungkrang 

 Sakiceup demi sakiceup tihang bulan tihang taun liliwatan 

Tisaban saban simpangan mobil deunguen milu nyemprung di sirkuit 

 Disaban saban simpangan pada pada teu hayang kapandeurian “I can get now satisvation” sora kasét gumuruh nyasaat langit ngendag-ngendag 

 Manglaksa mobil haseup kenalpot ngebut jagat 

 Anjeun kudu nambrak dengeun tinimbang ditabrak batur 

Nyakakak nu jumerit hayang ngudag waktu 

Nu can témbong kelemengna 

Boa sapéngkolan deui 

Boa di itu péngkolan ceuk nu sejen bari hantem terus silih sénggol 

Dina hiji mangsa anjog anjeun jeung nu séjén méh bareng asup finis 

Persisi di jero kuburan tuluy nyampak piala tetengger batu

Sajak ti Jalan ka Mana

Yasana : Godi Suwarna

---

Ngémploh pucuk-pucuk entéh
Mulas léngkob jeung lamping nu keur gumiwang
Sapanjang jalan rumangsang muru hibar gebur beurang
Hawar-hawar, kahariwang dilaungkeun kawih leuweung
Sabot mipir jegir pasir jeung kaketir nangtang ringkang
Lalaunan angin rintih ngusapan lengkah guligah Luak-léok ngitung tikungan
Kalah kérok balas nyawang pulas haté jeung langitna
Balitungan antara was-was mun nyorang lelewang jungkrang
Jeung panggupay ti palebah mumunggang gunung panungtung
Padungdengan sabot méga katémbong beuki meuleukmeuk
Samar-samar nyidem hujan jeung guludugBeuki jauh nyusud waktu
Bet kasarung satengahing kahayang nu pasulabreng
Antara ngajuringkang ka landeuhkeun, ka sisi talaga wening
Atawa rék terus nyusul jangjang julang kumalayang nilar sayang
Humandeuar ti tetelar ka tetelar nu horéng teu matak kelar
Kalah awor jeung geuneuk kelun halimun